السلام عليكم ورحمة الله وبركاته

هذه الولاية والمدينة بالتحديد تعتبر شبه مجهولة لكثير من الناس انا حسبتها في مكان غير امريكا اول ما سمعت بيها واستغربت الاسم وبعدين انصدمت بامريكا لمن اقول مدينة لارامي ما يعرفو ايش هي المدينة اصلا

هنا احط بين ايدكم المعلومات إلا اعرفها عن الولاية ومعلومات عن الجامعه لكل مين يفكر يجي يدرس هنا ..

لارامي مدينة جامعه تقع في ولاية وايومنغ تبعد حوالي ثلاث ساعات عن دنفر ساعه فن فورت كولنز يعني الترفيه موجود خارج نطق المدينة نبدا بالامور التالية:

الطقس:

الطقس هنا يا سلام سلم معظم الايام هنا شتاء فالشتاء لمن يجي تحسه ما يروح ولا يخلص .. الصيف ثلاث شهور فقط اما باقي الشهور فتتراوح ما بين خريف وشتاء فالثلج ينزل وقت ما يحلو له...ودرجة الحرارة في الشتاء تنزل كثير لتحت الصفر بس في الصيف الجو رائع وبسبب الجو تقدر تروح اماكن قريبة مريحة مثل سنو رينج فيدافو واهم مكان تروح في الصيف هو يل ستون إلا تعتبر من اجمل المناطق في العالم

الترفيه:

الترفيه في الولاية منعدم تقريبا إلا من امور معروفه بالولاية مثل التزلج فالتزلج هنا رخيص للغاية وما عليك إلا تسجل اسمك في رحلات الجامعه او تطلع بنفسك والجامعه عادة تعمل رفاهيات مثل رحلات تزلج ، تسلق ، وليلو ستون كمان واحيانا للملاهي في دنفر
دنفر زي ما قلت اول تبعد حوالي ثلاث ساعات وممكن هناك الواحد يروح اسواق اماكن تمشية وترفيه وكل حاجة وفي فورت كولنز قريبة تبع حوالي ساعه وهناك في اسواق وبحيرات فممكن تركب جت وسبيد بوت وكل حاجة ولو تحب الجبال ممكن تروح لفيدا فو وتخيم هناك وتشوي وترجع بيتك الليل وانت مبسوط

السكان:

انا كملت هنا سنة وشوي وما شفت من السكان إلا كل خير الناس بشوشين وحبوبين تلاقيهم يساعدو على طول ولا في عنصرية ولا شئ والمنطقة آمنة جدا جدا جدا

السكن:
السكن هنا يبدا من خمسمائية وشوي طبعا لو سكنت في حرم الجامعه فانت مرحوم من الفواتير ولك الخيار والصلاحة انك تختار بين اربع انواع من السكن طبعا تختلف الاسعار بس كلها شاملة للفواتير وقريبة من مواقف الباصات إلا توديك للجامعه على مدار اليوم فالباص يجي كل خمس او اربع دقايق عند المحطة ...

السؤال هل لارامي مكان جيد للدراسة وللمعيشة؟؟

عشان لا احد يقول ضحكت علينا ترى الولاية جدا صغيره حتى سوق ما فيها فيها الول مارت والكاي مرات لو طفشان تروح تتمشي فيها الاسواق في الولايات والمدن القريبة بس النواحي الايجابية

رخيصة
هادية
امنة
في مرحلة الدكتوراه ما يبغو جي ار ايه
الجامه ما تطلب توفل لاي مرحلة لو انت متخرج من اي ال اس
السكن رخيص وقريب من الجامعه
الباصات توديك للجامعه على مدار اليوم
السكن الجامعه شامل للفواتير
في قوانين زي ممنوع الشرب في الحرم الجامعه يعني بالعربي لو شفت احد سكير ارفع السماع واتصل على الشرطة بس في بيته هو حر
ايام الاختباارت تتزع نشرات على الابواب بان يتم مراعة الهدوء التام عشان الاختبارات
كل الساكنين طلبة لان المدينة عبارة عن جامعه بس
افضل مكان للتزلج موجود في لارامي
يلو ستون قريبة زي ما قلت سبع ساعات بالسيارة بس
اقلية سعودية حيث العدد للان فقط ثمان وثلاثون طالب سعودي في الجامعه فقط
الجو في الصيف روووووعه

العيوب
نائية
نص السنة ثلج
درجة الحرارة إلا تنزل لتحت الصفر معظم ايام الشتاء بس الحق الواحد تعود على البرودة

دا كل إلا جاء في بالي من عيوب ومميزات واهم مافي المنطقة بعد معيشة سنة وشوي تقريبا بالمنطقة

وإلا حابب يسال ما ترده إلا نفسه