02-17-2008, 03:02 AM
|
#1 |
|
أكاديمي
بكالوريوس
Business
United States
تاريخ التسجيل: Sep 2005
|
أجمل ماقيل في الغربه
السلام عليكم قبل تقريبا سنه كان فيه واحد من الشبابي فيه هوم سيك وكان دايما يشل شيلات عن الغربه وانه تعبان وكان دايما يردد شيله وكنت احب اسمعها منه وعاد وانا ادور علي شيلات في الغربه والقاها ..عاد قلت انقلها لكم طبعا هذي القصيدة للشاعر ا(بندر بن سرور العتيبي) الله يرحمه ؛ لوعة الغربة وبعد الدار وجروح الليالي عذبت قلب العنا يوماًً مالي فيه حيله دوك ياعبدالعزيز كتاب كرمين السبالي ذخر ابوك وذخر جدك عزوتك جاين يشيله خطته كف تشوم عن الضعيف الموالي تقطع العرق الخبيث وتنصر عيال القبيله يابن ابويه شلت حملً فوق ظهري مايشالي واتعبتني واهلكتني شيلت الحمل الثقيله شاربن من مر علقم واحسبن المر حالي مادريت اني شربته لين باين لي حثيله واهني اللي عن الغربال وعن الهم سالي عايش له في سعادة يوم هاذي مستحيلة ماجرع مر الليالي ولا فقد له شوف غالي مالمس جلده شموس ولا نقل جمبه صميله ماشكى من هم دين ولا شكى نقص الريالي كان عنـده هم همـه كيف تبديل الفنيله ولا انا ياخوك مالي بالرفاهية مجالي من مرابي نجد نجد أم المراقيب الطويله اتحلى بالصبر والصبر شيمة للرجالي واطمح لقمة جبل وأجفاك يالكف البخيله
__________________
وَلتكُن مِنكُم أُمّة يَدعُونَ إلى الخَيرِ ويَأمُرُونَ بِالمعرُوفِ وَيَنهونَ عَنِ المنكَرِ وأُولئك هُمُ المفلحِونَ ) ( كُنتُم خَيرَ أُمّةٍ أُخرِجَت لِلنَّاسِ تَأمرُونَ بِالمعرُوفِ وَتَنهونَ عَنِ المُنكَرِ وتُؤمِنونَ بِاللهِ ) وقال عليه السلام : « قوام الشريعة الاَمر بالمعروف والنهي عن المنكر واقامة الحدود »
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:18 PM